அமெரிக்காவில் நடந்த கோல்டன் குளோப் விருது: சாதித்து காட்டிய தமிழன்

Report Print Santhan in அமெரிக்கா

அமெரிக்காவில் நடந்த கோல்டன் குளோப் விருது வழங்கும் நிகழ்ச்சியில் தமிழகத்தை பூர்வீகமாகக் கொண்ட அஜீஸ் அன்சாரிக்கு விருது கொடுக்கப்பட்டுள்ளது.

அமெரிக்காவில் ஆண்டு தோறும் சிறந்த திரைப்படங்கள், தொலைக் காட்சி தொடர்கள், இயக்குனர்கள் மற்றும் நடிகர், நடிகைகளுக்கு கோல்டன் குளோப் விருது வழங்கப்பட்டு வருகிறது.

அந்த வகையில் இந்தாண்டிற்கான கோல் குளோப் விருது வழங்கும் நிகழ்ச்சி லாஸ் ஏஞ்சலீஸ் நகரில் உள்ள பேவெர்லி ஹில்டன் என்ற நட்சத்திர விடுதியில் நடைபெற்றது.

இதில் ஹாலிவுட் பிரபலங்கள், இயக்குனர்கள், தொலைக்காட்சி தொடர் நடசத்திரங்கள் என பலர் கலந்து கொண்டனர்.

இந்தாண்டிற்கான சிறந்த திரைப்படமாக Lady bird அறிவிக்கப்பட்டுள்ளது. அதுமட்டுமின்றி சிறந்த அனிமேஷனுக்கான படமாக Coco அறிவிக்கப்பட்டது குறிப்பிடத்தக்கது.

இப்படி பல பிரபலங்கள் விருது வாங்கிக் கொண்டிருக்கும் நிலையில், தமிழகத்தை பூர்விகமாகக் கொண்ட நடிகர் அஜீஸ் அன்சாரிக்கு, சிறந்த தொலைக்காட்சித் தொடர் நடிகருக்கான விருது வழங்கப்பட்டுள்ளது.

இவர் Master of none என்ற தொலைக்காட்சித் தொடரில் சிறப்பாக நடித்ததற்காக இந்த விருது கொடுக்கப்பட்டுள்ளது,

மேலும் அமெரிக்கா செய்திகளைப் படிக்க இங்கே அழுத்தவும்

Latest Offers

loading...