இலங்கையில் பிரதமர் மகிந்த ராஜபக்சவின் கீழ் புதிய அமைச்சர்கள் பதவிப் பிரமாணம்: பட்டியல் வெளியானது

Report Print Basu in இலங்கை

இலங்கை பிரதமர் மகிந்த ராஜபக்சவின் அமைச்சரவையில் புதிய அமைச்சர்களாக நியமிக்கப்பட்டவர்கள் இன்று நவம்பர் 22ம் திகதி காலை பதவியேற்றுக்கொண்டனர்.

இன்று காலை 8:30 மணிக்கு ஜனாதிபதி அலுவலகத்தில் நடந்த விழாவில் மகிந்த ராஜபக்ச உட்பட 16 பேர் இலங்கையின் புதிய அமைச்சர்களாக பதவிப் பிரமாணம் செய்துக்கொண்டனர்.

இன்று சத்தியப்பிரமாணம் செய்யும் அமைச்சர்கள் பொதுத் தேர்தல்கள் வரை அரசாங்கத்தின் அமைச்சர்களாக பணியாற்றுவார்கள் என தெரிவிக்கப்பட்டுள்ளது.

புதிய அமைச்சரவை பட்டியல்:பிரதமர் மகிந்த ராஜபக்ச – நிதி, பொருளாதாரம், அரச கொள்கை அபிவிருத்தி, புத்த சாசனம், சமய அலுவல்கள், நகர அபிவிருத்தி, நீர் வழங்கல் மற்றும் வீடமைப்பு வசதிகள் அமைச்சர்.

நிமல் சிறிபால டி சில்வா – நீதி, மனித உரிமைகள், சட்ட மறுசீரமைப்பு அமைச்சர்.

ஆறுமுகன் தொண்டமான் – தோட்ட உட்கட்டமைப்பு அபிவிருத்தி, சமூக வலுவூட்டல் அமைச்சர்.

தினேஸ் குணவர்தன – வெளிநாட்டு உறவுகள், திறன் அபிவிருத்தி, தொழில் துறை, தொழில் உறவுகள் அமைச்சர்.

டக்ளஸ் தேவானந்தா – கடற்தொழில் மற்றும் நீரியல் வள அமைச்சர்.

பவித்திரா வன்னியாராச்சி – மகளிர் மற்றும் சிறுவர் பாதுகாப்பு, சுகாதாரம் மற்றும் சுதேச வைத்திய அமைச்சர்.

பந்துல குணவர்தன – தகவல் மற்றும் தொடர்பாடல் , உயர் கல்வி, தொழில்நுட்பம் மற்றும் புத்தாக்க அமைச்சர்.

ஜனக்க பண்டார தென்னக்கோன் – பொது நிர்வாகம், உள்நாட்டு அலுவல்கள், மாகாண சபைகள் மற்றும் உள்ளூராட்சி மன்றங்கள் அமைச்சர்.

சமல் ராஜபக்ஸ – மகாவலி, விவசாயம், நீர்ப்பாசனம், கிராமிய அபிவிருத்தி, உள்ளக வர்த்தகம், உணவுப்பாதுகாப்பு மற்றும் பாவனையாளர் நலன் அ​மைச்சர்.

டலஸ் அழகப்பெரும – கல்வி, விளையாட்டு, மற்றும் இளைஞர் விவகார அமைச்சர்.

ஜோன்ஸ்டன் பெர்ணான்டோ – வீதி, நெடுஞ்சாலைகள், துறைமுகங்கள் மற்றும் கப்பல் துறை அமைச்சர்.

விமல் வீரவன்ச – சிறிய நடுத்தர தொழில் துறை, கைத்தொழில் மற்றும் வளங்கள் முகாமைத்துவ அமைச்சர்.

மகிந்த அமரவீர – பயணிகள் போக்குவரத்து முகாமைத்துவம் மற்றும் மின்சக்தி எரிசக்தி அமைச்சர்.

எஸ்.எம்.சந்திரசேன -சுற்றாடல் மற்றும் வனவிலங்குள், காணி மற்றும் காணி விவகார அமைச்சர்.

ரமேஸ் பத்திரண – பெருந்தோட்டக் கைத்தொழில் மற்றும் ஏற்றுமதி விவசாய அமைச்சர்.

பிரசன்ன ரணதுங்க – கைத்தொழில் ஏற்றுமதி , முதலீட்டு மேம்பாடு, சுற்றுலா மற்றும் விமான சேவைகள் அமைச்சர்

மேலும் இலங்கை செய்திகளைப் படிக்க இங்கே அழுத்தவும்