சோளக் காட்டுக்குள் வேற்று கிரகவாசியா? தென் இலங்கையில் பரபரப்பை ஏற்படுத்திய குள்ள மனிதர்கள்

Report Print Kavitha in இலங்கை

தென் இலங்கை பகுதியில் நள்ளிரவில் ஒரு குள்ள மனிதன் நடமாட்டம் காணப்பட்டதாக தகவல்கள் வெளியாகிய சம்பவம் பெரும் பரபரப்பை ஏற்படுத்தியது.

இலங்கையில் உள்ள அம்பாறையில் ஒரு கிராமத்தில் நள்ளிரவில் கடந்த 2-ந்தேதி விவசாயி கருணதிலக்க என்பவர் தனது சோள காட்டுக்கு காவலுக்கு சென்றுள்ளார்.

அப்போது அங்கு சுமார் 2 அடி உயரமேயான ஒரு குள்ள மனிதன் நடமாடிக் கொண்டிருந்ததை பார்த்து கருணாதிலக்கவுக்கு பயம் ஏற்பட்டு உடனே அவர் அங்கிருந்து ஓட்டம் பிடித்தார்.

குறித்த சம்பவம் தொடர்பாக உடனடியாக பக்கத்து காட்டில் காவலுக்கு இருந்த விவசாயிகளிடம் தெரிவித்துள்ளார்.

சம்பவமறிந்து உடனே அவர்கள் ஓடிவந்து பார்த்தனர். அதற்குள் அங்கிருந்த குள்ள மனிதன் மாயமாகிவிட்டான்.

இது குறித்து விவசாயி கருணாதிலக்க டிவி ஒன்றுக்கு பேட்டியளித்துள்ளார்.

அதில் ‘‘கடந்த 2-ந்தேதி சோளகாட்டுக்கு காவலுக்கு வந்தேன். அங்கு சற்று ஓய்வெடுக்கலாம் என நினைத்து சாய்ந்து கொண்டேன். அப்போது திடீரென சத்தம்கேட்டது. உடனே நான் எழுந்து விளக்கு அடித்து பார்க்கும்போது 2 அடி உயரத்தில் ஒருவன் நின்று கொண்டிருந்தான். தலைமுடி நீளமாக வளர்ந்து இருந்தது. முகம் சிவப்பு நிறமாகவும், உள்நோக்கி சென்றது போன்றும் வித்தியாசமாக காணப்பட்டது. உதடுகளும் சிவப்பாக இருந்தது.

நான் விளக்கு வெளிச்சத்தை அந்த நபர் முகத்தில் அடித்து சத்தமிட்டேன் எனினும் அவர் ஒரு அடி கூட நகரவில்லை. உடனே அச்சமடைந்த நான் ஓடிச் சென்றேன். மற்ற விவசாயிகளை அழைத்து வந்து பார்த்தேன். ஆனால் அந்த நபரை காணவில்லை“ என்று தெரித்துள்ளார்.

இதற்கிடையே குள்ள மனிதர் வந்து சென்றதற்கான பாதசுவடுகள் ஆதாரமாக காணப்படுவதாக விவசாயிகள் தெரிவித்துள்ளனர்.

மேலும் சில மாதங்களுக்கு முன்பு அனுராதாபுரம், பொலநறுவை பகுதிகளில் வெளிச்சமான பொருள் ஒன்று தரை இறங்குவதாக செய்திகள் வெளியாகி பரபரப்பை ஏற்படுத்தியது.

இந்நிலையில் சம்பவம் குறித்து ஆராய்ந்த போது அது பறக்கும் தட்டாக இருக்கலாம் எனவும் தற்போது குள்ளமனிதர் தொடர்பான இந்த விவகாரத்தில் பறக்கும் தட்டு மூலம் வந்து இறங்கி இருக்கலாம் என்ற கருத்தும் சிலர் அவர்களை வேற்று கிரகவாசியாக இருக்கலாம் என சந்தேகிக்கின்றார்.

இந்தசம்வம் தற்போது தென்னிலங்கை மக்களை அச்சத்தில் ஆழ்த்தியுள்ளது என்பது குறிப்பிடத்தக்கதாகும்.

மேலும் இலங்கை செய்திகளைப் படிக்க இங்கே அழுத்தவும்

Latest Offers