ரஷ்ய அழகியின் குழந்தை தன்னுடையது என ஒப்புக்கொள்ள மறுத்த மலேசிய மன்னர்: வெறுப்பில் அழகி செய்துள்ள செயல்

Report Print Balamanuvelan in ஏனைய நாடுகள்
565Shares

மலேசிய மன்னரை மணந்த முன்னாள் மிஸ். மாஸ்கோ அழகி, மன்னருடனான விவாகரத்து பிரச்சினையில் அவரை வெறுப்பேற்றும் செயல் ஒன்றை செய்துள்ளார்.

முன்னாள் ரஷ்ய அழகிப்பட்டம் பெற்ற Oksana Voevodina (28), 2018ஆம் ஆண்டு மதம் மாறி, மலேசிய மன்னரான முகமதுவை (51) மணந்துகொண்டார்.

Oksana மன்னரை மணந்து ஒரு ஆண்டே ஆன நிலையில், அரை குறை ஆடைகளுடன் அவர் முன்பு போஸ் கொடுத்திருந்த படங்கள் வெளியாகின. அத்துடன் ரியாலிட்டி ஷோ ஒன்றில், நீச்சல் குளம் ஒன்றில் ஒரு ஆணுடன் அவர் பாலுறவு கொள்ளும் வீடியோவும் வெளியாகி பரபரப்பை ஏற்படுத்தின.

Oksanaவுடனான திருமணத்தைக் குறித்த விடயங்கள் ஊடகங்களில் வெளியாவதையே அதிகம் விரும்பாதவரான மன்னர் முகமது, இதனால், தனது மன்னர் பதவியை துறந்தார். என்றாலும் மன்னர் குடும்பத்திலிருந்து அழுத்தம் அதிகரிக்கவே, Oksanaவை இஸ்லாமிய முறைப்படி விவாகரத்து செய்தார் முகமது.

அத்துடன், Oksanaவுக்கு பிறந்த குழந்தையான Tengku Ismail Leon Petraவுக்கு தான் தந்தை இல்லை என்றும் கூறிவிட்டார் முகமது.

விவாகரத்து கொடுக்கப்பட்டதால், ஜீவனாம்சமாக லண்டனில் 8 மில்லியன் பவுண்டுகள் மதிப்புடைய ஒரு வீடும், மாதம் 24,000 பவுண்டுகளும் தனக்கு வழங்கப்படவேண்டும் என கேட்டார் Oksana.

ஜீவனாம்ச பிரச்சினை இழுத்துக்கொண்டே செல்ல வெறுப்படைந்துள்ளார் Oksana. தனது மகன் Leonஇன் படங்களை வெளியிடக்கூடாது என மன்னர் குடும்ப தரப்பில் தனக்கு அழுத்தம் தரப்படுவதாக முன்பு தெரிவித்திருந்தார் Oksana.

தற்போது விவாகரத்து பிரச்சினையால் ஏற்பட்டுள்ள வெறுப்பில், மகனுடைய படங்களை இன்ஸ்டாகிராமில் வெளியிடத் தொடங்கியுள்ளார் அவர்.

அதுவும், மதம் மாறியபின் தனக்கு இடப்பட்ட பெயரான Rihana Petra என்ற பெயரிலேயே அவர் தனது மகனின் படங்களை வெளியிட்டுள்ளார்.

இந்த ஆண்டை வித்தியாசமாக துவங்குவது என முடிவு செய்துள்ளேன், என தன்னை பின் தொடர்வோருக்கு தெரிவித்துள்ள Oksana, முதல் கட்டமாக எனது மகனின் படங்களை மீண்டும் வெளியிடப்போகிறேன் என்று கூறியே Leonஉடன் இருக்கும் படங்களை வெளியிட்டு வருகிறார்.

மேலும் ஏனைய நாடுகள் செய்திகளைப் படிக்க இங்கே அழுத்தவும்