India
Sri Lanka
UK
France
Canada
Germany
Australia
Switzerland
International
ஸ்பெயின் தீவிலிருந்து ஸ்காட்லாந்து பயணித்த ரயன் ஏர் நிறுவன விமானத்திற்குள் பயணிகள் அனைவரும் சுமார் 12 மணிநேரம் சிக்கி தவித்துள்ளனர்.
ஸ்பெயின் தீவான Lanzarote விமானநிலையத்தில் இருந்து Edinburgh பயணித்த விமானத்திலே இச்சம்பவம் அரங்கேறியுள்ளது. விமானம், காலை 11:20 மணிக்கு புறப்பட திட்டமிடப்பட்டிருந்தது.
எனினும், ஓடுபாதை அருகே சென்று நிலையில் மோசமான காலநிலை காரணமாக விமானம் நிறுத்தப்பட்டுள்ளது. பின்னர், 9 மணிநேரத்திற்கு பிறகு புறப்பட்ட நிலையில், விமான குழுவினர் வேலை நேரத்தை கடந்து பணியாற்றியதால் பிரான்ஸ், Bordeaux-ல் தரையிறக்கப்பட்டுள்ளது.
பின்னர், அங்கிருந்து புறப்பட்டு Edinburgh பயணித்து சென்றுள்ளது. 9 மணிநேரம் காத்திருப்பின் போது, கடும் வெப்பத்தில் விமானத்திற்குள் சிக்கிய பயணிகள், குடிக்க தண்ணீர் கேட்டுள்ளனர். ஆனால், விமானக்குழுவினர் தர மறுத்துள்ளனர்.
சிறிது நேரம் கழித்து விமானத்திற்குள் தண்ணீர் பட்டில் 3 பவுண்டுக்கு விற்கப்பட்டுள்ளது. இதனால், பயணிகள் கடும் கோபமடைந்துள்ளனர். விமானம் காலதாமதமானதால் நிறுவனம் தான் பயணிகளுக்கு இலவசமாக தண்ணீர் வழங்க வேண்டும் என நிறுவனத்தை கடுமையாக விமர்சித்துள்ளனர்.
இதுகுறித்து ரயன் ஏர் நிறுவனம் வெளியிட்டுள்ள அறிக்கையில், Lanzarote-ல் நிலவிய மோசமான வானிலையே விமானம் புறப்பட காலதாமதமானதற்கு காரணம். இதற்காக நிறுவனம் பயணிகளிடம் மன்னிப்பு கோருகிறது. இதுசற்றும் எதிர்பாராத ஒன்று என விளக்கமளித்துள்ளனர்.
