பெண்கள் உடை மாற்றும் அறையில் ரகசிய கமெரா! அதை வைத்து ஆசையை தீர்த்துக் கொண்டது அம்பலம்

Report Print Santhan in இந்தியா

மருத்துவமனையில் பெண்கள் உடை மாற்றும் அறையில் ரகசிய கமெரா வைத்து ஆபாச வீடியோக்களை பதிவு செய்த துப்புரவு பணியாளர்களை பொலிசார் கைது செய்துள்ளனர்.

சென்னை சைதாப்பேட்டையில் பிரபல தனியார் மருத்துவமனை ஒன்று இயங்கி வருகிறது.

இந்த மருத்துவமனைக்கு தினந்தோறும் சுமார் 100-க்கும் மேற்பட்ட நோயாளிகள் வந்து செல்வார்கள் என்பதால், மருத்துவமனை எப்போதும் பரபரப்பாகவே இருக்கும்.

இந்த மருத்துவமனையில் செவிலியர்கள் மற்றும் மருத்துவம் பார்க்க வரும் பெண்களுக்கு என தனியாக உடை மாற்றும் அறை ஒன்று உள்ளது.

இந்த அறையின் உள்ளே பெண்களை தவிர வேறு யாரும் அனுமதி கிடையாது.

இந்நிலையில் நேற்று முன்தினம் மருத்துவமனையில் துப்புரவு பணி செய்து வரும் எண்ணூர் சுனாமி குடியிருப்பை சேர்ந்த சிவபிரகாஷ் (23), உடன் துப்புரவு பணி செய்து வரும் சைதாப்பேட்டையை சேர்ந்த அமல்ராஜ் (36) என்பவருடன் மருத்துவமனையிலேயே தனது செல்போனில் ஆபாச படம் பார்த்துக் கொண்டிருந்தார்.

இதைக் கண்ட அங்கிருந்த பெண் மேலாளர், செல்போனில் பெண்கள் உடைமாற்றுவது போல் இருந்ததால் அவர்கள் மீது சந்தேகம் ஏற்பட்டு இருவரையும் அழைத்து விசாரித்துள்ளார்.

அப்போது, இருவரும் முன்னுக்குப்பின் முரணாக பதில் அளித்துள்ளனர். இதனால் அவர் உடனடியாக சிவபிரகாஷ் கையில் இருந்த செல்போனை பிடிங்கி பார்த்த போது, அதிர்ச்சியடைந்தார்.

ஏனெனில் அதில் மருத்துவமனையில் பணியாற்றும் செவிலியர்கள் அறையில் உடை மாற்றும் காட்சிகள் வீடியோக்கள் இருந்துள்ளது.

இப்படி சுமார் 30-க்கும் மேற்பட்ட செவிலியர்கள் மற்றும் மருத்துவமனைக்கு சிகிச்சைக்கு வந்த பெண்களின் உடை மாற்றும் காட்சிகள் மற்றும் 50-க்கும் மேற்பட்ட புகைப்படங்கள் இருந்துள்ளது.

இதையடுத்து இந்த சம்பவம் குறித்து உடனடியாக பொலிசாருக்கு தெரிவிக்கப்பட்டது. விரைந்து வந்த பொலிசார் இருவரையும் கைது செய்து விசாரணை மேற்கொண்டனர்.

பொலிசார் மேற்கொண்ட விசாரணையில், சிவபிரகாஷ் உடை மாற்றும் அறையில் துப்புரவு பணிக்காக உள்ளே சென்ற போது யாரும் கண்டுபிடிக்க முடியாத இடத்தை தேர்வு செய்து கேமரா அமைத்துள்ளார்.

அதன் பின் காலை மற்றும் இரவு நேரம் பணிக்கு வரும் செவிலியர்கள் உடை மாற்றும் காட்சிகளை வீடியோவாக பதிவு செய்துள்ளார்.

அந்த படங்களை இரவு பணியின் போது யாருக்கும் தெரியாமல் தனது செல்போனில் பதிவேற்றம் செய்து வந்துள்ளார். அப்படி பதிவு செய்த வீடியோ காட்சிகளை சம்பந்தப்பட்ட பெண்ணிடம் பேசுவது போல், புகைப்படம் மற்றும் வீடியோ காட்சிகளை காட்டி பேஸ்புக்கில் பதிவேற்றம் செய்து விடுவேன் என்று மிரட்டி பணம் கேட்டு வாங்கி வந்துள்ளார்.

இதனால் அதிர்ச்சியடைந்த சில பெண்கள் வெளியில் தெரிந்தால், குடும்பம் மானம் போய்விடும் என்று சிவபிரகாஷ் கேட்ட பணத்தை கொடுத்துள்ளனர். பணம் கொடுக்க முடியாத பெண்களை சிவபிரகாஷ் தொந்தரவு செய்து தன்னுடைய ஆசைக்கு இணங்க செய்துள்ளார்.

இதுபோல் கடந்து 2 மாதங்களாக சிவபிரகாஷ் சம்பவத்தில் ஈடுபட்டு வந்துள்ளார்.

சிவபிரகாஷ் இப்படி செய்வது உடன் பணியாற்றும் அமல்ராஜ் என்பவருக்கு தெரியவந்ததால், அவர் எனக்கு வீடியோ அனுப்பவில்லை என்றால் சொல்லிவிடுவேன் என்று கூற, அவருக்கு தனது செல்போனில் இருந்து, வீடியோவை அமல்ராஜிற்கு அனுப்பும் போது கையும் களவுமாக சிக்கிக்கொண்டார்.

மேலும் இந்தியா செய்திகளைப் படிக்க இங்கே அழுத்தவும்

Latest Offers