முட்டாள்தனமான விளையாட்டை நிராகரிப்போம்: ஐபிஎல்-க்கு இயக்குனர் பாரதிராஜா எதிர்ப்பு

Report Print Raju Raju in இந்தியா
67Shares

தேசியப் புரட்சிக்குத் தீ வைக்கும் முட்டாள் தனமான ஐபிஎல் கிரிக்கெட் விளையாட்டை நிராகரிப்போம் என்று இயக்குனர் பாரதிராஜா கூறியுள்ளார்.

காவிரி மேலாண்மை அமைக்க வேண்டியும், ஸ்டெர்லைட் ஆலையை மூட வேண்டியும் தமிழ்நாட்டில் பல்வேறு இடங்களில் போராட்டம் நடைபெற்று வருகிறது. இந்நிலையில், ஐபிஎல் கிரிக்கெட் போட்டியை நடத்தக் கூடாது என்று இயக்குனர் பாரதிராஜா அறிக்கை ஒன்றை வெளியிட்டுள்ளார்.

அதில், நம் இனத்தை அழித்தார்கள், நாம் எதுவும் பேசவில்லை, நம் உரிமைகள் பறிக்கப்படும் போதும் போராடாமலே இருக்கிறோம்

நம்மைப் புரட்சியாளர்களாய் மாற்ற எத்தனையோ அமைப்புகள் போராடிக் கொண்டிருக்கும் போது, ஐபிஎல் என்னும் மாய உலகித்திற்கு நம்மை அடிமைப்படுத்தி நம்முடைய தேசியப் புரட்சிக்குத் தீ வைக்கும், முட்டாள் தனமான விளையாட்டை நிராகரிப்போம்.

ஐபிஎல் என்னும் கிரிக்கெட்டை நிராகரி! நிறைய வேண்டியது விளையாட்டு மைதானத்தின் இருக்கைகள் அல்ல. புரட்சியின் மைதானம்.

தமிழனை விளையாட்டாக நினைத்து, கிரிக்கெட் விளையாட்டை புகுத்தும் மூடர்களே! எங்கள் தமிழர்களுக்கு வீர விளையாட்டும் தெரியும் என்பதை நினைவில் வையுங்கள்

உங்கள் ஐபிஎல் விளையாட்டை விளையாட வேண்டாம் என்று சொல்லவில்லை, கொஞ்சம் ஒத்திவையுங்கள். மீறி நடந்தால், அது ஐபிஎல் விளையாட்டாக இருக்காது. மாறாக, எங்கள் வீர இளைஞர்கள் ஜல்லிக்கட்டுக் காளைகளோடு களம் காணுவார்கள். என்பதைத் தமிழ் இன உணர்வோடு சொல்லிக் கொள்ள விரும்புகிறேன் என தெரிவித்துள்ளார்.

மேலும் இந்தியா செய்திகளைப் படிக்க இங்கே அழுத்தவும்