சிறுமிகளுக்கு மிரட்டி விஷம் கொடுத்த உறவினர்கள்: அதிர்ச்சி காரணம்

Report Print Arbin Arbin in இந்தியா

தமிழகத்தின் வேலூர் மாவட்டத்தில் நிலத்தகராறு காரணமாக 3 சிறுமிகளுக்கு உறவினர்களே விஷம் கொடுக்கப்பட்ட சம்பவம் அதிர்ச்சியை ஏற்படுத்தி உள்ளது.

வேலூர் மாவட்டம் வாணியம்பாடியை அடுத்த சொர்கல்நத்தம் பகுதியை சேர்ந்த ஜெயகுமார் என்பவருக்கும், அவரது சகோதரர் ராமச்சந்திரன் என்பவருக்கும் நிலத்தகராறு காரணமாக முன்விரோதம் இருந்து வந்துள்ளது.

இந்நிலையில், நேற்று ராமச்சந்திரன் தாக்கியதாக கூறி ஜெயகுமாரின் மனைவி அமுதசெல்வி மருத்துவமனையில் அனுமதிக்கப்பட்டார். இதனால் ஜெய்குமாரின் 3 மகள்கள் வீட்டில் தனியாக இருந்துள்ளனர்.

இந்த நிலையில் ராமச்சந்திரனின் மனைவி ஜெயபிரியா மற்றும் அவரின் அப்பா சாமூண்டி, இவரது தம்பி சரவணன் என 8 பேர் கொண்ட கும்பல் ஜெயகுமார் வீட்டுக்கு சென்றுள்ளனர்.

அங்கு தனியாக இருந்த குழந்தைகளை மிரட்டி சாதத்தில் விஷம் கலந்து கொடுத்து கொல்ல முயற்சித்து உள்ளதாக கூறப்படுகிறது.

அந்த சாதத்தில் விஷம் கலந்து இருப்பதை அறியாத குழந்தைகள் சாப்பிட்ட சிறிது நேரத்தில் மயங்கி உள்ளனர்.

இதனை அடுத்து, மயக்கமடைந்த 3 சிறுமிகளும் வாணியம்பாடி அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இதுதொடர்பாக ஜெயகுமார் பொலிசில் புகார் அளித்ததை அடுத்து விசாரணை மேற்கொண்டு வருகின்றனர்.

நிலத்தகராறு காரணமாக பள்ளி சிறுமிகளுக்கு உறவினர்களே விஷம் கொடுத்த சம்பவம் அப்பகுதியில் அதிர்ச்சியை ஏற்படுத்தி உள்ளது.

மேலும் இந்தியா செய்திகளைப் படிக்க இங்கே அழுத்தவும்