பாலியல் துஷ்பிரயோகத்தால் சீரழியும் சிறுவர்கள்: அதிர்ச்சி தகவல்

Report Print Arbin Arbin in இந்தியா

டெல்லியில் சிறுவர்களுக்கு பாதுகாப்பு இல்லை என்றும் அங்கு நாளுக்கு 3 சிறுவர்கள் பாலியல் துஷ்பிரயோகத்திற்கு இரையாவதாகவும் தேசிய குற்ற ஆவண அலுவலகம் அதிர்ச்சி தகவலை வெளியிட்டுள்ளது.

தேசிய குற்ற ஆவண அலுவலகத்தின் தரவுகள் அடிப்படையில் கடந்த 2015 ஆம் ஆண்டு மட்டும் 927 சம்பவங்கள் சிறுவர்களுக்கு எதிராக நடந்துள்ளதாக கூறப்படுகிறது. சராசரியாக தினசரி 3 சிறுவர்கள் வீதம் பாலியல் துஷ்பிரயோகத்திற்கு இரையாகியுள்ளதாக புள்ளி விவரங்கள் தெரிவிக்கின்றன.

ஆனால் தேசிய குற்ற ஆவண அலுவலகம் வெளியிட்டுள்ள கணக்குகளை விடவும் பலமடங்கு அதிகமாக இருக்க வாய்ப்புகள் அதிகம் என பொலிஸ் மற்றும் சிறுவர்கள் நல ஆர்வலர்கள் தெரிவிக்கின்றனர்.

பாதிப்புக்கு உள்ளான சிறுவர்களில் 585 பேர் 16 வயதுக்கு கீழ் உள்ளவர்கள் எனவும், இதில் 95% பேருக்கு தங்களை துஷ்பிரயோகம் செய்தவர்கள் எவர் என அடையாளம் தெரியும் என கூறப்படுகிறது.

மட்டுமின்றி கடந்த ஓராண்டில் மட்டும் 7,730 ஆள்கடத்தல் சம்பவங்கள் நடந்துள்ளதாக டெல்லி பொலிசார் வழக்கு பதிந்துள்ளனர். இதில் 60% சிறுவர்கள் என கூறப்படுகிறது. கடத்தப்படும் சிறுவர்களில் பெருவாரியானவர்கள் பாலியல் துஷ்பியோகத்திற்கு உள்ளாகியிருப்பதாக பொலிசார் தெரிவிக்கின்றனர்.

மேலும் இந்தியா செய்திகளைப் படிக்க இங்கே அழுத்தவும்

Latest Offers

Comments