இறந்த மனைவியை தோளில் சுமந்து சென்றவரின் குடும்பத்திற்கு நிதியுதவி

Report Print Arbin Arbin in இந்தியா

ஒடிசாவில் இறந்த மனைவியின் உடலை தோளில் சுமந்து 10 கி.மீ. தூரம் நடந்து சென்றவரின் குடும்பத்திற்கு சுலப் இண்டர்நேஷனல் தொண்டு நிறுவனம் நிதியுதவி வழங்கியுள்ளது.

ஒடிசா மாநிலத்தில், நபர் ஒருவர் ஆம்புலன்ஸ் கிடைக்காமல் இறந்த தனது மனைவியை தோளில் சுமந்து கொண்டு 10 கிலோ மீட்டர் தூரம் சாலையில் சென்ற சம்பவம் நாடும் முழுவதும் அதிர்ச்சியை ஏற்படுத்தியிருந்தது.

இந்நிலையில், ஆம்புலன்ஸ் கிடைக்காமலும், வாடகை வாகனத்தை ஏற்பாடு செய்ய வசதியில்லாமலும் இறந்த தனது மனைவியின் உடலை தோளில் சுமந்து சென்ற தனா மஜி என்பவரின் குடும்பத்திற்கு சுலப் இண்டர்நேஷ்னல் என்ற தொண்டு நிறுவனத்தின் நிறுவனர் நிதியுதவி வழங்க முன்வந்தார்.

அந்த தொண்டு நிறுவனத்தை சேர்ந்த வினோத் சர்மா என்பவர், மெல்கார் கிராமத்தில் உள்ள தனா மஜியின் வீட்டிற்கு சென்று உடனடி செலவுக்கு ரூபாய் 10 ஆயிரம் மற்றும் ரூ.5 லட்சம் வைப்பு நிதிக்கான பத்திரத்தையும் வழங்கினார்.

இதுதவிர, தனா மஜியின் மகள்களின் கல்வி செலவுக்காக மாதந்தோறும் பத்தாயிரம் ரூபாய் வழங்கவும் சுலாப் நிறுவனம் முன்வந்துள்ளது.

வங்கி கணக்கில் தனா மஜியின் பெயரில் செலுத்தப்பட்ட 5 லட்சம் ரூபாய், ஐந்து ஆண்டுகளுக்கு பிறகு வட்டியுடன் சுமார் 7 லட்சத்து 33 ஆயிரம் ஆக முதிர்வு பெறும் என கூறப்படுகிறது.

முன்னதாக இச்சம்பவம் குறித்து கேள்வியுற்ற பஹ்ரைன் அரசர், தனா மஜிக்கு உதவி செய்ய முன்வந்து இந்திய தூதரகத்தை அணுகியுள்ளது குறிப்பிடத்தக்கது.

மேலும் இந்தியா செய்திகளைப் படிக்க இங்கே அழுத்தவும்

Latest Offers

Comments