சிக்கன் 65 சாப்பிட்டிருக்கிறீர்கள்! வாழைப்பூ 65 சாப்பிட்டுருக்கிறீர்களா?

Report Print Deepthi Deepthi in உணவு
484Shares

சிறுநீரகம் சார்ந்த நோய்கள், பெண்களுக்கு வெள்ளைப்படுதல் உள்ளிட்டவற்றைக் குணப்படுத்த வாழைப்பூ உதவுகிறது.

வாழைப்பூவில் அதிக நார்ச்சத்து இருப்பதால் மலச்சிக்கலைப் போக்க உதவுகிறது.

இதில் கொழுப்புச் சத்து குறைவாக உள்ளதால் ஆரோக்கியமான உடல் எடை அதிகரிப்புக்கு உதவுகிறது.

இந்த வாழைப்பூவை வைத்து 65 எப்படி செய்வது என்று பார்ப்போம்,

தேவையானவை
  • வாழைப்பூ - 1
  • மிளகாய்த்தூள் - 2 டீஸ்பூன்
  • அரிசி மாவு - 1 டீஸ்பூன்
  • (சோள மாவு) - 3 டேபிள்ஸ்பூன்
  • இஞ்சி-பூண்டு விழுது - 1 டீஸ்பூன்
  • கரம் மசாலாத்தூள் - கால் டீஸ்பூன்
  • கெட்டித் தயிர் - 100 மில்லி
  • உப்பு - தேவையான அளவு
  • எண்ணெய் - பொரிக்கத் தேவையான அளவு
செய்முறை

வாழைப்பூவில் உள்ள தனித்தனிப் பூக்களின் நடு நரம்பை எடுத்துவிட்டுக் கழுவி வைக்கவும்.

ஒரு பாத்திரத்தில் எண்ணெய், வாழைப்பூ நீங்கலாக தேவையானவற்றில் உள்ள மற்ற அனைத்தையும் ஒன்றாக்கி தண்ணீர் சிறிது தெளித்து சேர்த்துக் கிளறவும்.

இந்த மாவுக்கலவையை இருபது நிமிடம் ஊற விடவும்.

அடுப்பில் கடாயை வைத்து எண்ணெய் ஊற்றி காய்ந்ததும் மாவில் வாழைப்பூவை நனைத்து எடுத்து எண்ணெயில் போட்டுப் பொரித்தெடுத்துப் பரிமாறவும்.

மேலும் உணவு செய்திகளைப் படிக்க இங்கே அழுத்தவும்

Comments