பெண்கள் கழிப்பறைக்குள் கிரிக்கெட் வீரர்களின் மனைவிகள்-காதலியர் செய்த செயல்! பிரபல நடிகை சொன்ன திடுக்கிடும் தகவல்

Report Print Santhan in பொழுதுபோக்கு

ஐபிஎல் போட்டிகளுக்கு பிறகு நடக்கும் பார்ட்டிகளில், கிரிக்கெட் வீரர்களின் மனைவிகள் மற்றும் காதலியர்கள் கொகைன் போதைப் பொருள் பயன்படுத்தியதாக, பிரபல கவர்ச்சி நடிகை ஷெர்லின் சோப்ரா கூறியிருப்பது, விளையாட்டு உலகில் பெரும் பரபரப்பை ஏற்படுத்தியுள்ளது.

மஹாராஷ்டிராவில், பாலிவுட் நடிகர் சுஷாந்த் சிங்கின் மரணம் பெரும் புயலை கிளப்பி உள்ளது. இது தொடர்பான வழக்கை சி.பி.ஐ. விசாரித்து வருகிறது.

இதற்கிடையில், புதிய திருப்பமாக போதைப் பொருள் பயன்பாடு, போதை மாபியா என, வழக்கு சென்றது.

இதையடுத்து, என்.சி.பி. எனப்படும், போதைப் பொருள் தடுப்புப் பிரிவு ஆணையம், இது தொடர்பான வழக்கை விசாரிக்கத் துவங்கியது

இதில், சுஷாந்தின் காதலி ரியா சக்ரவர்த்தி, ரியாவின் சகோதரர் ஷோவிக் சக்ரவர்த்தி, சுஷாந்தின் மேலாளர் சாமுவேல் மிரன்டா உள்ளிட்ட மூவரும் கைது செய்யப்பட்டனர்.

ரியாவிடம் நடத்தப்பட்ட விசாரணையில், நடிகைகள் தீபிகா படுகோன், ஷரத்தா கபூர், சாரா அலி கான், ரகுல் ப்ரீத் சிங் உள்ளிட்டோர், போதை பொருட்களை பயன்படுத்தியதாக தகவல்கள் வெளியாகின.

அதன் பின், இந்த நான்கு நடிகைகளும் விசாரணைக்கு ஆஜராகும்படி,போதைப் பொருள் தடுப்புப் பிரிவு ஆணையம் சம்மன் அனுப்பியுள்ளது.

இந்நிலையில் பிரபல இந்தி கவர்ச்சி நடிகையான ஷெர்லின் சோப்ரா, ஐபிஎல் போட்டிகளுக்கு பிறகு நடக்கும் பார்ட்டிகளில் கொகைன் போதைப் பொருள் பயன்படுத்தப்பட்டதாக கூறி அதிர்ச்சியை ஏற்படுத்தியுள்ளார்.

இது குறித்து அவர் பிரபல ஊடகம் ஒன்றிற்கு அளித்துள்ள பேட்டியில், நான் சொல்வது சில வருடங்களுக்கு முன்பு கொல்கத்தாவில் நடந்தது.

அன்று இரவு போட்டிக்குப் பிறகு ஒரு பார்ட்டி நடத்தினர். அதில் நானும் கலந்திருந்தேன். அப்போது சில வீரர்களின் மனைவிகளும், சில வீரர்களின் காதலியரும் கூட அதில் பங்கேற்றிருந்தனர்.

அவர்கள் அனைவருமே பெண்களுக்கான கழிவறையில் வைத்து போதைப் பொருளை பயன்படுத்தினர். அது கொகைன்தான். நன்றாக தெரியும். அதை நான் நேரில் பார்த்து ஆச்சரியமும், அதிர்ச்சியும் அடைந்தேன்.

அது கொல்கத்தா நைட் ரைடர்ஸ் சம்பந்தப்பட்ட போட்டிக்குப் பிறகு நடந்த பார்ட்டி ஆகும். அதுவும் நன்றாக தெரியும்.

என்னை அந்த பார்ட்டிக்கு கூப்பிட்டிருந்தனர். பல வீரர்களும் அவர்களின் மனைவியர், காதலியர் என பலரும் கலந்து கொண்டிருந்தனர். அந்தப் பார்ட்டியை நானும் மகிழ்ச்சியாக கொண்டாடினேன். ஆட்டம் பாட்டம் என கொண்டாட்டமாக இருந்தது.

ஆனால் இந்த கொகைன் பயன்பாடுதான், அதிலும் பெண்கள் அதைப் பயன்படுத்தியதுதான் எனக்கு ஆச்சரியமாக இருந்தது.

பெண்களே இப்படி பண்ணியிருக்கிறார்கள் என்றால் நிச்சயம் கிரிக்கெட் வீரர்களும் கூட இதை போல செய்திருப்பார்கள். ஆண்கள் கழிவறைக்கு போய் பார்த்திருந்தால் நிச்சயம் தெரிந்திருக்கும். ஆனால் நான்தான் போகவில்லை என்று தெரிவித்துள்ளார்.



மேலும் பொழுதுபோக்கு செய்திகளைப் படிக்க இங்கே அழுத்தவும்