சென்னை அணிக்கு புனேயிலும் தண்ணியில் கண்டம்!

Report Print Samaran Samaran in கிரிக்கெட்

புனேவில் நடைபெறும் சென்னை அணியின் போட்டிகளுக்கு பாவனா அணையில் நீர் எடுக்க மகாராஷ்டிரா கிரிக்கெட் சங்கத்துக்கு மும்பை உயர்நீதிமன்றம் தடை விதித்துள்ளது.

காவிரி மேலாண்மை வாரியம் அமைக்காத மத்திய அரசுக்குக் கண்டனம் தெரிவித்து சென்னையில் ஐபிஎல் போட்டிகள் நடத்த கடும் எதிர்ப்பு நிலவுகிறது.

பல்வேறு அமைப்புகள் கடந்த 10ஆம் தேதி நடைபெற்ற போட்டியைத் தடுக்க சேப்பாக்கம் மைதானத்தை முற்றுகையிட முயன்றதால் பரபரப்பு ஏற்பட்டது.

இதனால், சென்னை போட்டிகளை வேறு இடத்துக்கு மாற்ற முடிவுசெய்த ஐபிஎல் நிர்வாகம், இனிமேல் சென்னையில் நடப்பதாக இருந்த போட்டிகள் புனேயில் நடக்கும் என்று அறிவித்துவிட்டது.

இடமாற்றத்துக்குப் பின் சென்னை அணி புனேயில் ஏப்ரல் 20ஆம் தேதி முதல் முறையாக விளையாட உள்ளது. இப்போட்டிக்கு இடையூறு ஏற்பட்டுள்ளது.

காவிரி நீர் விவகாரத்தால் சென்னை அணியில் நடக்க இருந்த போட்டி மாற்றப்பட்டது போல, இந்த முறையும் தண்ணீரில் கண்டம் வந்துள்ளது.

சென்னை அணியின் போட்டிகளை நடத்தும் மகாராஷ்டிர கிரிக்கெட் சங்க மைதானம் ஐபிஎல் போட்டிகளுக்காக பாவனா அணையில் நீர் எடுக்க மும்பை உயர்நீதிமன்றம் தடை விதித்துள்ளது.

இதனால் புனேயிலாவது சென்னை அணியின் போட்டிகள் தொடர்ந்து நடைபெறுமா என்ற சந்தேகம எழுந்துள்ளது.

மேலும் கிரிக்கெட் செய்திகளைப் படிக்க இங்கே அழுத்தவும்

Latest Offers