24 மணிநேரத்திற்குள் சரித்திரத்தை மாற்றிய இலங்கை வீராங்கனை: 66 பந்தில்.. 12 பவுண்டரி.. 6 சிக்ஸர் என அசத்தல் சதம்..!

Report Print Basu in கிரிக்கெட்
393Shares

அவுஸ்திரேலியா அணிக்கு எதிரான முதல் போட்டியில் சதம் விளாசிய இலங்கை மகளிர் கிரிக்கெட் அணித்தலைவி Chamari Athapaththu, 24 மணிநேரத்தில் சரித்திரத்தை மாற்றியமைத்து சாதனை படைத்துள்ளார்.

சர்வதேச டி-20 போட்டியில் நேற்று சிங்கப்பூர் அணிக்கு எதிரான போட்டியில் நேபாளல் அணித்தலைவர் paras khadka, 52 பந்துகளில் ஆட்டமிழக்காமல 106 ஓட்டங்கள் குவித்து அணியை வெற்றிப்பெற செய்தார்.

இதன் மூலம் சர்வதேச டி-20 போட்டியில் சதம் அடித்த முதல் நேபாள வீரர் என சாதனை படைத்தார். அதுமட்டுமின்றி, சர்வதேச டி-20 போட்டிகளில் சேசிங் போது சதம் அடித்த முதல் அணித்தலைவர் என்ற வரலாற்றை படைத்தார்.

இந்நிலையில், இன்று சிட்னியில் நடைபெற்ற அவுஸ்திரேலிய-இலங்கை மகளிர் அணிகளுக்கு இடையேயான முதல் டி-20 போட்டியில் இலங்கை அணி போராடி 41 ஓட்டங்கள் வித்தியாசத்தில் தோல்வியடைந்தது.

முதலில் துடுப்பாடிய அவுஸ்திரேலிய அணி 20 ஓவர் முடிவில் 4 விக்கெட் இழப்பிற்கு 217 ஓட்டங்கள் குவித்தது. அவுஸ்திரேலிய வீராங்கனை Beth Mooney 113 ஓட்டங்கள் குவித்து அசத்தினார்.

218 ஓட்டங்கள் எடுத்தால் வெற்றி என்ற இலக்குடன் களமிறங்கிய இலங்கை அணி 20 ஓவர் முடிவில் 7 விக்கெட் இழந்து 176 ஓட்டங்கள் மட்டுமே எடுத்து தோல்வியடைந்தது.

இலங்கை தரப்பில் சிறப்பாக விளையாடி அணித்தலைவி Chamari Athapaththu 66 பந்தில்.. 12 பவுண்டரி.. 6 சிக்ஸர் என 113 ஓட்டங்கள் குவித்தார்.

இதன் மூலம் 24 மணிநேரத்திற்குள் சர்வதேச டி-20 போட்டிகளில் சேசிங் போது சதம் அடித்த அணித்தலைவர் என்ற வரலாற்று சாதனை பட்டியலில் நோபள வீரர் paras khadka-வுடன் இணைந்தார் Chamari Athapaththu. மேலும், முதல் பெண் அணித்தலைவர் என்ற சாதனையும் படைத்தார்.

அவுஸ்திரேலியாவுக்கு சுற்றுப்பயணம் மேற்கொண்டுள்ள இலங்கை மகளிர் கிரிக்கெட் அணி, 3 போட்டிகள் கொண்ட டி-20 மற்றும ஒரு நாள் தொடரில் விளையாட திட்டமிட்டுள்ளது. முதல் போட்டியில் வென்ற அவுஸ்திரேலியா அணி 1-0 என டி-20 தொடரில் முன்னிலையில் உள்ளது.

மேலும் கிரிக்கெட் செய்திகளைப் படிக்க இங்கே அழுத்தவும்