45 நாளில் 2000 கோடி ரூபாய் வருமானம்: பணத்தில் மிதக்கும் பிசிசிஐ

Report Print Samaran Samaran in கிரிக்கெட்

இந்த ஆண்டு ஐபிஎல் தொடர் மூலம் மட்டும் பிசிசிஐ.,க்கு ரூ. 2000 கோடி வரை வருமானம் கிடைக்கும் என கணக்கிடப்பட்டுள்ளது.

இந்தியாவில் கடந்த 2008 முதல் உள்ளூர் டி-20 கிரிக்கெட் தொடரான இந்தியன் பிரிமீயர் லீக் (ஐபிஎல்.,) நடக்கிறது. இது வெற்றிகரமாக 11வது ஆண்டில் அடி எடுத்து வைக்கவுள்ளது.

கூடுதல் வருமானம்

இந்த ஆண்டில் சுமார் 2 ஆண்டு தடைக்கு பின் சென்னை சூப்பர் கிங்ஸ், ராஜஸ்தான் ராயல்ஸ் அணிகள் பங்கேற்கவுள்ளது. இந்நிலையில் இந்த ஆண்டு சுமார் 45 நாட்களில் நடக்கும் ஐபிஎல்., தொடர் போட்டிகள் மூலம் இந்திய கிரிக்கெட் போர்டுக்கு ரூ. 2017 கோடி கூடுதலாக கிடைக்கும் என தகவல்கள் தெரிவிக்கின்றன.

எத்தனை மடங்கு

இது ஒரு ஆண்டில் சர்வதேச போட்டிகளில் சுமார் 320 நாட்களில் உள்ளூர் வெளிநாடுகளில் இந்திய அணி பங்கேற்கும் போட்டிகளில் கிடைக்கும் லாபத்தை விட சுமார் 16 மடங்கு அதிகமாகும்.

செலவு இவ்வளவு

இந்த ஆண்டில் ஐபில் தொடரை நடத்த பிசிசிஐ.க்கு ரூ. 1272 கோடி செலவாகும். ஆனால் இப்போட்டிகளின் மூலம் ரூ. 3413 கோடி கிடைக்கும் என தெரியவந்துள்ளது. இதற்கு சமீபத்தில் ஐபிஎல்., போட்டிகளை ஒளிபரப்பு உரிமை ரூ. 16, 347 கோடிக்கு ஏலம் போனதும் ஒரு காரணமாக கருதப்படுகிறது.

கடைசியாக எவ்வளவு

கடந்த ஆண்டில் ஐபிஎல்., தொடரில் மட்டும் பிசிசிஐ.,க்கு ரூ. 400 கோடி லாபம் கிடைத்தது. இது இந்த ஆண்டு ரூ. 670 கோடியாக உயரும் என தெரிவிக்கப்பட்டுள்ளது.

கடந்த 2008ல் சைடு ஷோவாக ஆரம்பிக்கப்பட்ட ஐபிஎல் கிரிக்கெட் தொடர் தற்போது பிசிசிஐ.,க்கு, சுமார் 95 சதவீதம் கூடுதல் வருமானம் பெற்றுத்தரும் அளவுக்கு உருவெடுத்துள்ளது.

மேலும் கிரிக்கெட் செய்திகளைப் படிக்க இங்கே அழுத்தவும்

Latest Offers