டோனியின் பாராட்டை பெற்ற 2 1/2 வயது குழந்தை

Report Print Kabilan in கிரிக்கெட்

சென்னையைச் சேர்ந்த இரண்டரை வயது குழந்தை அற்புதமாக கிரிக்கெட் விளையாடுவதால் ’இளம் குழந்தை கிரிக்கெட்டர்’ எனும் அங்கீகாரத்தை பெற்றதோடு, இந்திய கிரிக்கெட் வீரர் டோனியின் பாராட்டையும் பெற்று அசத்தியுள்ளார்.

சென்னையைச் சேர்ந்த முருகன்ராஜ்- சுபத்ரா தம்பதியரின் இரண்டரை வயது மகன் சனுஷ் சூர்யதேவ்.

இச்சிறுவன் நெகிழி பந்துகளில் தொழில்முறை கிரிக்கெட் வீரரைப் போல கிரிக்கெட் விளையாடுகிறார். சனுஷ், நெகிழி பந்து விளையாட்டில் ‘Drive' ஷாட்டுகளை அற்புதமாக ஆடுகிறார்.

இதன் மூலம், India Book of The Records-யின் ‘Young Child Cricketer' எனும் அங்கீகாரத்தைப் பெற்றுள்ளார். மேலும், சமீபத்தில் இந்திய அணி வீரர் மகேந்திர சிங் டோனியை சந்தித்து வாழ்த்து பெற்றுள்ளார் சனுஷ்.

சனுஷ், ஐந்து மாத குழந்தையாக இருக்கும்போதே பொம்மைகளுக்கு பதிலாக பந்துகளை வைத்து விளையாடியதாகவும், கிரிக்கெட் சம்பந்தப்பட்ட வீடியோக்களை பார்ப்பதில் ஆர்வம் காட்டியதாகவும் அவரின் தந்தை முருகன்ராஜ் தெரிவித்துள்ளார்.

மேலும் கிரிக்கெட் செய்திகளைப் படிக்க இங்கே அழுத்தவும்