ரோஹித்தின் அதிரடியைப் பார்த்து பார்வையாளர் ஆனேன்: ஷ்ரேயஸ் ஐயர்

Report Print Kabilan in கிரிக்கெட்

மெகாலியில் நடைபெற்று வரும் இரண்டாவது ஒருநாள் போட்டியில், ரோஹித் சர்மாவின் இரட்டை சதம் அடித்தார்.

இந்நிலையில், 88 ஒட்டங்கள் குவித்த ஷ்ரேயாஸ் ஐயர், ரோஹித்தின் ஆட்டம் குறித்து கருத்து தெரிவித்துள்ளார்.

இலங்கை அணிக்கு எதிரான இரண்டாவது ஒருநாள் போட்டி, மெஹாலியில் இன்று நடைபெற்று வருகிறது. இதில் முதலில் துடுப்பாட்டத்தினை தொடங்கிய இந்தியா 4 விக்கெட் இழப்புக்கு 392 ஒட்டங்கள் எடுத்தது.

ரோஹித் சர்மா ஆட்டமிழக்காமல் 208 ஒட்டங்கள் குவித்தார். ஷ்ரேயஸ் ஐயர் 88 ஒட்டங்கள் குவித்தார்.

இந்நிலையில், ரோஹித்துடன் இணைந்து 223 ஒட்டங்களை குவித்த ஷ்ரேயஸ் ஐயர் கூறுகையில்,

‘ரோஹித் சர்மாவின் ஆட்டத்தினைக் கண்டு நான் ஒரு பார்வையாளரானேன். அவர், தனது சதத்தை 115 பந்துகளில் எடுத்தார். அதன் பிறகு அவர் ருத்ரதாண்டவம் ஆடினார்.

நேற்று வலைப்பயிற்சியில் ஈடுபட்ட போது இருந்த தன்னம்பிக்கையுடன் களத்திற்கு சென்றேன். கொஞ்சம் குளிராக இருந்தாலும், துடுப்பாட்டத்திற்கு உகந்த மைதானம் என்பதால், மிகப்பெரிய ஒட்டங்களை குவித்தோம்.

நானும் ரோஹித்தும் சர்மாவும் 40வது ஒவர் வரை அணியை கொண்டு செல்ல திட்டமிட்டோம். எங்களில் யாரவது ஒருவர், களத்தில் நீண்ட நேரம் நின்றால் புதிதாக இறங்குபவர்களுக்கு அது மிகப்பெரிய உத்வேகமாக அமையும் என்பதே எங்களின் திட்டம்.

ரோஹித் சர்மாவின் ஆட்டத்தினை கொஞ்சமாக தான் பார்த்தேன். எனினும், அவரின் ஆட்டம் மிகவும் அதிர்ச்சிகரமாக இருந்தது’ என தெரிவித்துள்ளார்.

மேலும் கிரிக்கெட் செய்திகளைப் படிக்க இங்கே அழுத்தவும்