கனடா மக்களுக்கு கொரோனா தடுப்பூசி எப்போது போடப்படும்? அமைச்சர் வெளியிட்ட முக்கிய தகவல்

Report Print Basu in கனடா
499Shares

ஜனவரி மாதம் கொரோனா வைரஸ் தடுப்பூசியின் முதல் டோஸை பெறுவோம் என கனடா அரசு நம்பிக்கை தெரிவித்துள்ளது.

கொரோனா வைரஸ் தடுப்பூசியின் முதல் டோஸ் 2021 ஜனவரியில் நாட்டிற்கு கிடைக்கும் என்று கனேடிய அரசாங்கம் நம்புகிறது என்று கனடாவுக்கான குயின்ஸ் பிரைவி கவுன்சிலின் தலைவரும், அரசாங்களுக்கான உள்விவகார அமைச்சருமான டொமினிக் லெப்ளாங்க் தெரிவித்தார்.

2021 ஆம் ஆண்டின் தொடக்கத்தில் அமெரிக்க நிறுவனங்களான மாடர்னா மற்றும் ஃபைசருடன் 6 மில்லியன் கொரோனா தடுப்பூசிகளைப் பெறுவதற்கான ஒப்பந்தத்தில் கனடா கையெழுத்திட்டதாக கடந்த வாரம் கனேடிய ஊடகங்கள் செய்தி வெளியிட்டன.

கனேடியர்களில் பெரும்பான்மையானவர்கள் அடுத்த ஆண்டு இறுதிக்குள் தடுப்பூசிகளைப் பெறுவார்கள் என கனேடிய துணை தலைமை பொது சுகாதார அதிகாரி ஹோவர்ட் நூவின் கூறினார்.

இந்நிலையில், அடுத்த ஆண்டு தொடக்கத்தில், 2021 ஜனவரியில், ஒப்பந்தம் செய்யப்பட்டுள்ள கொரோனா டோஸ்கள் வழங்கப்பட்டால் கனடா மக்களுக்கு தடுப்பூசி போட ஆரம்பிக்க முடியும் என்று லெப்ளாங்க் கூறினார்.

தடுப்பூசி விநியோகத்தில் கையெழுத்திடப்பட்ட ஒப்பந்தங்களின் விவரங்களை அவர் வெளியிடவில்லை, ஆனால் நாட்டிற்கு வரும் அளவுகளின் எண்ணிக்கை படிப்படியாக அதிகரிக்கும் என்று வலியுறுத்தினார்.

2021 ஆம் ஆண்டின் முற்பகுதியில் முதல் மில்லியன் டோஸ்களைப் பெறுவோம். அதற்கான ஒப்பந்தங்கள் நடைமுறையில் உள்ளன, மேலும் மாகாணங்கள் மற்றும் பிரதேசங்களுடன் விநியோகம் மிகவும் திறம்பட செய்யப்படும் என்று லெப்லாங்க் கூறினார்.

எனினும், எதிர்க்கட்சியான கன்சர்வேடிவ் கட்சியைச் சேர்ந்த சட்டமன்ற உறுப்பினரான மைக்கேல் ரெம்பல் கார்னர், கனேடிய அரசாங்கத்தால் ஜனவரி 2021 க்குள் கொரோனா வைரஸ் தடுப்பூசிகளைப் பெற முடியுமா என்று சந்தேகம் தெரிவித்துள்ளார்.

மேலும் கனடா செய்திகளைப் படிக்க இங்கே அழுத்தவும்