மேஷம் முதல் மீனம் வரை! இந்த வாரம் உங்களுக்கு நடக்கப்போவது என்ன?

Report Print Deepthi Deepthi in ஜோதிடம்

ஆகஸ்டு 26-08-2018 முதல் 1-09-2018 வரையிலா 12 ராசிகளுக்குரிய ராசிபலன்கள் இதோ

மேஷம்

ஐந்துக்குடைய சூரியன் ஆட்சி பெறுவது மே‌ஷராசிக்கு யோகம் தரும் ஒரு நிலை என்பதால் இது உங்களுக்கு யோகவாரமே. ராசிநாதன் செவ்வாய் உச்ச நிலையில் இருப்பதாலும் எதையும் சாதிப்பீர்கள். குடும்பாதிபதி சுக்கிரன் ஆட்சி வலுவுடன் ஏழாமிடத்தில் இருப்பதால் திருமணம் ஆகாதவர்களுக்கு திருமணத்திற்கான ஆரம்பங்களோ அல்லது திருமண உறுதி நிகழ்வுகளோ நடக்கும்.

முதல் திருமணம் தோல்வி அடைந்து வேதனையில் இருப்பவர்களுக்கு இந்தவாரம் எதிர்கால நல்வாழ்விற்கான அடித் தளங்கள் அமையும்.

பங்குச்சந்தை, சூதாட்டம் போன்ற துறைகளில் இருப்பவர்களுக்கு எதிர்பாராத லாபங்கள் கிடைக்கும். சிலருக்கு இளைய சகோதரரிடம் கருத்து வேறுபாடு வரும். தந்தைவழி உறவினர் வகையில் மனக்கசப்புக்கள் அல்லது இடையூறுகள் இருக்கும்.

ஜீவனஸ்தானம் வலுவாக இருப்பதால் தொழிலில் வருமானங்களுக்கு குறை இருக்காது. மறைமுகமான எதிரிகள் உங்களை கவிழ்க்கப் பார்த்தாலும் அவர்கள்தான் தோற்றுப் போவார்கள். மே‌ஷத்திற்கு அனைத்து சிறப்புக்களும் சேரும் வாரம் இது.

ரிஷபம்

ராசிநாதன் சுக்கிரன் ஆட்சியாக இருந்தாலும் ஆறாம் வீட்டில் குருவுடன் இணைந்திருப்பதால் அனைத்தும் தடங்கலாகும் வாரம் இது. அதேநேரத்தில் நட்புக் கிரகமான புதன் நல்ல நிலையில் இருப்பதால் ரி‌ஷபராசிக்கு பெரிய பின்னடைவுகள் எதுவும் இருக்காது.

எதையும் உங்களால் சமாளிக்க முடியும். பத்தாமிடத்திற்கு குருபார்வை இருப்பதால் தொழில், வேலை, வியாபாரம் போன்ற ஜீவன அமைப்புகளில் தொல்லைகள் இருக்காது. ராசிநாதன் வலுவிழப்பதால் கைக்கு எட்டியது வாய்க்கு எட்டாத நிலையில் இருக்கும்.

சிலருக்கு எல்லாவற்றிலும் முதலில் பிரச்சினைகள் தோன்றி பிறகு அனைத்தும் நல்லபடியாக முடியும். பணவரவிற்கு குறை இல்லை என்றாலும் சிலருக்கு கடன் வாங்க வேண்டிய சூழல்கள் இருக்கும்.

நடுத்தர வயதுடையவர்கள் ஆரோக்கியத்தில் அக்கறை காட்டுங்கள். வார இறுதியில் புனித இடங்களுக்கு செல்வதோ, குலதெய்வ வழிபாடோ செய்வீர்கள். கணவன் மனைவி உறவில் முணுமுணுப்புக்கள் உண்டு. குழந்தைகள் செலவு வைப்பார்கள். அம்மா வழி உறவினர்களால் ஆதாயங்கள் இருக்கும். அம்மாவின் ஆதரவும் உண்டு.

மிதுனம்

பனிரெண்டுக்குடைய சுக்கிரன் சர ராசியான ஐந்தில் குருவுடன் இணைந்து, ராசிநாதன் புதன் சூரியனுடன் இருப்பதால் இது மிதுனராசிக்கு மாற்றங்களும், பிரயாணங்களும் உள்ள வாரமாக இருக்கும்.

சிலருக்கு வெளி மாநில அல்லது வெளிநாட்டு பயணங்களும், இட மாறுதல்களும் இருக்கும். மூன்றாமிடம் வலுப்பெறுவதால் இளைய சகோதர, சகோதரிகளால் சிலர் நன்மை அடைவீர்கள். வெளிநாடுகளில் பணிபுரிபவர்களுக்கு இப்போது முன்னேற்றத்திற்கான மாற்றங்கள் இருக்கும். இழுத்துக் கொண்டிருந்த விவகாரங்கள் முடிந்து பணவரவு உண்டு.

பெண்கள் உதவுவார்கள். எலக்ட்ரிக்கல் மற்றும் எலக்ட்ரானிக்ஸ் துறைகளில் இருப்பவர்கள் முன்னேற்றம் அடைவீர்கள். வாழ்க்கைத் துணை மூலம் ஒரு உதவி அமையும்.

கணவன் மனைவி இருவரும் பேசி நல்ல திட்டங்களைத் தீட்டி அதை செயல்படுத்தவும் செய்வீர்கள். மந்தமாக இருந்த கூட்டுத்தொழில் சிறப்பாக நடைபெறும். பங்குதாரர்கள் உதவியாக இருப்பார்கள். சரியான வருமானம் இல்லாமல் அவதிப்பட்டுக் கொண்டிருந்தவர்களுக்கு இனி நிலையான ஒரு தொழில் அமைப்பு உருவாகி மாதாமாதம் நிரந்தர வருமானம் வரும்.

கடகம்

தனாதிபதி சூரியன் ஆட்சி பெற்று முயற்சி ஸ்தானாதிபதி புதன் அவருடன் இணைந்திருக்கிறார். யோகாதிபதி செவ்வாயும் உச்சமாக இருக்கிறார். கடக ராசிக்காரர்களின் முயற்சிகள் வெற்றி பெற்று பணவரவு இருக்கும் வாரம் இது.

உங்களில் கணினி, மென்பொருள், கணக்கு, ஆடிட்டிங், புத்தகம், பிரிண்டிங், எழுத்து மற்றும் பத்திரிகைத் துறையினர் சிறப்பான நன்மைகளைப் பெறுவீர்கள். தொந்தரவு கொடுத்து கொண்டிருக்கும் பிரச்சினைகள் விலகும் வாரம் இது. கடக ராசிக்கு நன்மைகள் நடக்க இனி தடைகள் இல்லை.

இதுவரை கிடைக்காத திருமண பாக்கியம் குழந்தை பாக்கியம் கிடைப்பதற்கான ஆரம்பங்கள் சிலருக்கு இருக்கும். வியாபாரிகளுக்கு இருந்து வந்த எதிர்ப்புகள் விலகும். ஏற்றுமதி, இறக்குமதி தொழில் சம்பந்தப்பட்டவர்களுக்கு ஆர்டர்கள் கிடைக்கும். சிலருக்கு வெளிமாநில, வெளிநாட்டு பயணங்கள் உண்டு.

அதனால் இலாபங்கள் இருக்கும். அனைத்து வி‌ஷயமும் எவ்வித தடைகளும் இல்லாமல் சுமூகமாகவும், பிரச்சினைகள் எதுவும் இல்லாமலும் நடக்கும். அரசு, தனியார்துறை ஊழியர்கள் வளம் பெறுவார்கள். கடகத்திற்கு நல்ல வாரம் இது.

சிம்மம்

சிம்மநாதன் சூரியன் ராசியில் ஆட்சி பெற்று, அவருடன் புதன் நட்பு நிலையில் இணைவு பெற்றுள்ளதும், யோகாதிபதி செவ்வாய் ஆறில் உச்சமாக இருப்பதும் சாதகமான அம்சங்கள் என்பதால் இந்தவாரம் சிம்மத்திற்கு எதிர்மறை பலன்கள் எதுவும் இல்லாத நன்மைகள் உள்ள வாரமாக இருக்கும்.

யோகக் கிரகங்கள் வலுவான நிலையில் இருப்பதால் சந்தோ‌ஷமான மனநிலையில் இருப்பீர்கள். திரைக் கலைஞர்களுக்கு குறிப்பாக தொலைக்காட்சி துறையினருக்கு இது நல்ல வாரம். பணவரவு நன்றாக இருக்கும். வருமானத்திற்கு குறை இருக்காது.

நீண்டகால லட்சியங்களை இப்போது நிறை வேற்றிக் கொள்ள முடியும். கடன் பிரச்சினைகளிலும் வழக்கு விவகாரங்களிலும் சிக்கித் தவித்து தூக்கத்தை இழந்திருந்தவர்களுக்கு நல்லபடியாக ஒரு முடிவு வந்து நிம்மதியைத் தரும். சீருடை அணிந்து வேலை செய்யும் துறையினருக்கு உயர்வு கிடைக்கும்.

1,2,4 ஆகிய நாட்களில் பணம் வரும். 28ம் தேதி காலை 10.39 மணி முதல் 30ம் தேதி இரவு 8.01 மணி வரை சந்திராஷ்டம நாட்கள் என்பதால் புதிய முயற்சிகள் முதலீடுகளை இந்த நாட்களில் ஒத்தி வைப்பது நல்லது.

கன்னி

வார ஆரம்பத்தில் இராசிநாதன் புதன் கிரகண தோ‌ஷ நிலையில் ராகுவுடன் இணைந்திருப்பதால் வலிமை இழந்து பலவீனம் பெறுகிறார். எனவே இந்த வாரம் கன்னிக்கு கைக்கெட்டியும் வாய்க்கெட்டாத நிலை இருக்கும்.

எல்லாமே இழுபறியாக தாமதமாக முடியும். முக்கியமான ஒரு வி‌ஷயத்தில் அன்னிய மத நண்பர் கை கொடுப்பார். அதிகாரம் செய்யும் வேலையில் இருப்பவர்களுக்கு அலைச்சல் மிகுதியாக இருக்கும். ஆனாலும் நல்லபெயர் கிடைக்கும். கையருகே சாப்பாடு இருந்தாலும் எடுத்துச் சாப்பிடுவதற்கு நேரம் இல்லாமல் உழைப்பீர்கள்.

வார பிற்பகுதியில் புதன் பனிரெண்டில் மறைந்து சூரியனுடன் இணைவதால் தொழில்நஷ்டம், வேலையிழப்பு போன்றவைகளை சந்தித்தவர்கள் இனிமேல் நல்ல மாற்றங்கள் நடந்து ஏற்கனவே இருந்து வந்தவைகளை விட நல்ல தொழில்.

வேலை போன்றவைகளை அடைவீர்கள். 3, 28, 29 ஆகிய நாட்களில் பணம் வரும். 30ம் தேதி இரவு 8.01 மணி முதல் செப்டம்பர் 2ம் தேதி அதிகாலை 3.01 வரை சந்திராஷ்டம நாட்கள் என்பதால் கூடுதல் கவனத்துடன் இருப்பது நல்லது. இந்த நாட்களில் முக்கியமான முடிவுகள் எதையும் எடுக்க வேண்டாம்.

துலாம்

ராசிநாதன் சுக்கிரன் ராசியிலேயே இருக்கும் நல்ல வாரம் இது. இரண்டு சுபக் கிரகங்கள் ராசியில் உள்ளதால் மனம் புத்துணர்ச்சியுடன் இருக்கும். எதிலும் ஒரு நல்ல முடிவு எடுக்க முடியும். இனிமேல் உங்களுக்கு எதிலும் கெடுதல்கள் இல்லை.

எல்லா வி‌ஷயத்திலும் இனி துலாம் ராசிக்கு நன்மை மட்டும்தான். இதுவரை முயற்சி செய்தும் நடைபெறாத பல வி‌ஷயங்கள் இனிமேல் தெய்வத்தின் அருளால் முயற்சி இல்லாமலேயே வெற்றி பெறும். குறிப்பாக துலாம் ராசிக்கு வரும் குருப்பெயர்ச்சி முதல் குதூகலம்தான்.

உடல் உழைப்பை பிரதானமாகக் கொண்ட தொழில் செய்பவர்கள் நன்மைகளைப் பெறுவீர்கள். சிலருக்கு ஆன்மிக எண்ணங்கள் மேலோங்கும். சித்தர்களின் ஆசிகள் உண்டு. விரும்பும் புனிதத் தலங்கள் அனைத்திற்கும் செல்லும் பாக்கியம் கிடைக்கும்.

1,2,3 ஆகிய நாட்களில் பணம் வரும். 2ம் தேதி அதிகாலை 3.01 முதல் 4ம் தேதி காலை 7.32 வரை சந்திராஷ்டம நாட்கள் என்றாலும் கெடுதல்கள் எதுவும் உங்களுக்கு நடக்காது. அதே நேரத்தில் புதிய முயற்சிகள் ஆரம்பங்கள் எதுவும் இந்த நாட்களில் வேண்டாம்.

விருச்சிகம்

விருச்சிகத்தின் வேதனை விலகிக் கொண்டிருக்கிறது. விருச்சிகத்திற்கு விடிந்து கொண்டிருக்கிறது. ஒளி வரப்போகிறது. இன்னும் சில வாரங்களில் கண்ணுக்கே தெரியப் போகிறது. விட்ட குறை தொட்ட குறையாக இன்னும் சில கேட்டை நட்சத்திரக்காரர்கள் பட்டுக் கொண்டிருக்கும் துன்பமும் விலகும் நிலையில் இருக்கிறது.

காணாமல் போயிருந்த விடாமுயற்சியும் தைரியமும் மீண்டும் உங்களிடம் தலையெடுத்து அனைத்து பிரச்சினைகளையும் நீங்கள் ஒருவராகவே சமாளித்து தீர்க்கப் போகிறீர்கள். இந்த வாரம் குறைகள் சொல்ல எதுவும் இல்லை.

மறைமுக லாபங்கள் மற்றும் வருமானங்கள் இருக்கும் வாரம் இது. கடந்த சில மாதங்களாகவே உங்களுக்கு நடந்த. மாற்றங்கள் இனிமேல் எதிர்கால நன்மைக்கு அடிப்படையாக இருக்கும்.

இனிமேல் வேலை செய்யும் இடத்தில் பிரச்சினைகள் எதுவும் இருக்காது. வியாபாரத்தில் லாபம் உண்டு. சிலருக்கு சொல்லிக் கொள்ளும்படியான பணவரவு கிடைக்கும். பணக்கஷ்டங்கள் தீரும். முதல் திருமணம் முறிந்த சிலருக்கு இரண்டாவது திருமணத் திற்கான அமைப்பு உருவாகும். கவலைகள் தீரும் வாரம் இது.

தனுசு

ஜென்மச் சனியால் அவதிப்பட்டுக் கொண்டிருக்கும் இளைய பருவ தனுசு ராசிக்காரர்களுக்கு இப்போது தொழில், வியாபாரம், வேலை முதலியவற்றில் மாற்றங்கள் நடக்கும். ஆன்மிகம் சம்பந்தப்பட்ட தொழில் செய்பவர்களுக்கு ஏற்றம் தரும் நிகழ்வுகள் உண்டு. சனி ராசியில் இருப்பதால் புதிய முயற்சிகள் எதுவும் இப்போது வேண்டாம்.

இருக்கும் வேலையிலிருந்து மாறுவதிலும் கவனம் வேண்டும். இளைஞர்கள் விழிப்புடனும், மனக் கட்டுப்பாடுடனும் இருப்பதன் மூலம் கஷ்டமான ஜென்மச்சனி காலத்தை சமாளித்து வருகிறீர்கள்.

உங்களில் மூல நட்சத்திரக் காரர்களுக்கு துன்பங்கள் இன்னும் சில வாரங்கள் தான். சனி இப்போது உங்கள் நட்சத்திரத் திலேயே சென்று கொண்டிருக் கிறார். அதனால் வயதுக்கேற்ற மன அழுத்தம் தரும் சம்பவங்கள் நடக்கும்.

சனி நவம்பர் மாதம் உங்கள் நட்சத்திரத்தில் இருந்து விலகுகிறார். அதன் பிறகு துன் பங்கள் எந்த நிலை யிலும் உங்களை அணுகாது. ஜோதிடர்களிடம் இப்போது ஜாதகம் பார்க்க வந்து கொண்டிருப்ப வர்களில் தனுசு ராசியினர்தான் அதிகம். நடுத்தர வயதை தாண்டிய தனுசுவினருக்கு கஷ்டங்கள் எதுவும் இல்லை.

மகரம்

உங்களில் திருவோணம் நட்சத் திரக்காரர்களுக்கு எச்சரிக்கை தேவைப்படும் வாரம் இது. எட்டா மிடத்தில் புதன், சூரியன் இணைவதால் இந்த வாரம் நிதானமான பலன்கள்தான் நடைபெறும்.

கடன் தொல்லைகளால் சிக்கல்களில் உள்ளவர்களுக்கு நெருக்கடிகள் இருக்கும். என்ன பிரச்னை என்றாலும் பணவரவு நன்றாக இருக்கும். கொடுக்கும் வாக்கை காப்பாற்ற முடியும். எதிலும் நிதானமாக இருக்க வேண்டியது அவசியம். அவசரப்பட்டு தவறான முடிவுகளை எடுக்க வேண்டாம். கணவன், மனைவிக்குள் வாக்குவாதங்களை தவிருங்கள்.

அலுவலகங்களில் யாரையும் நம்ப வேண்டாம். மனதில் உள்ளதை எவ்வளவு தெரிந்தவராக இருந்தாலும் பகிர்ந்து கொள்ள வேண்டாம். பேசும் பொழுதும் வார்த்தைகளில் கவனமாக இருங்கள். குழந்தைகள் வழியில் செலவு உண்டு.

கல்லூரி, பள்ளி செல்லும் பிள்ளைகளை வைத்திருப்பவர்களுக்கு தேவையற்ற விரயங்கள் இருக்கும். நீண்டநாட்கள் சந்திக்காமல் இருந்த நண்பரையோ, மனைவி வழி தூரத்து உறவினரையோ சந்திப்பீர்கள். சிலருக்கு வேலைவி‌ஷயமாக தூரப் பயணங்கள் அமையும். வடமாநிலங்களுக்குச் செல்வீர்கள்.

கும்பம்

நீண்ட காலமாக முடியாமல் இருக்கும் வி‌ஷயங்களை கும்பத்தினர் இப்போது முடித்துக் காட்டுவீர்கள். அதிர்ஷ்டம் கை கொடுக்கும் வாரம் இது. ஒன்பதில் சுக்கிரன் குரு இணைந்திருப்பது யோகம் தரும் அமைப்பு என்பதால் இது கும்ப ராசிக்கு கெடுபலன்கள் இல்லாத நல்ல வாரம். குறிப்பாக பெண்களுக்கு நல்ல பலன்கள் நடக்கும்.

உங்களில் சதயம் நட்சத்திரக்காரர்களுக்கு எல்லாவிதமான நன்மைகளும் கூடுதலாக இருக்கும். நல்லவேலை கிடைக்காத இளையவர்களுக்கு குறை நீங்கும். எதையும் சுறுசுறுப்பாக செய்வீர்கள்.

உங்களில் சிலருக்கு புதிய வீடு, புது வாகன யோகம் இருக்கிறது. அண்ணன், அக்காக்களிடம் இருந்து வந்த மனக்கசப்புகள் விலகும். வயதான அப்பாவை கொண்டவர்கள் அவருடைய ஆரோக்கியத்தில் அக்கறையுடன் இருங்கள்.

ரியல் எஸ்டேட்காரர்கள், பில்டர்ஸ் போன்ற துறையினருக்கு தடைகள் நீங்கி, தொழில் முன்னேற்ற பாதையில் செல்லும். கலைஞர்கள் நல்ல வாய்ப்புக்களைப் பெற்று பரபரப்பாக இருப்பீர்கள். குறிப்பிட்ட சிலர் இருக்கும் இடத்தை விட்டு தூர இடங்களுக்குப் போவதற்கான நிகழ்வுகள் உண்டு.

மீனம்

ராசிநாதன் குரு, சுக்கிரனுடன் எட்டில் இணைவதால் இந்த வாரம் மீனராசிக்கு மனக்கலக்கம் உள்ள வாரமாக இருக்கும். மிகவும் எதிர்பார்க்கும் ஒன்று பிடிக்காத விதமாக திசை திரும்பும். இப்படி ஏன் நடந்தது என்று குழம்பும் நிலை இருக்கும்.

நிதானம் காட்ட வேண்டிய வாரம் இது. தொழில், வேலை, வியாபாரம் போன்ற ஜீவன அமைப்புகளில் சிக்கல்களும், குறைகளும் இருக்கும். எதிலும் சுணக்கம் இருக்கலாம். எதிர்பார்ப்புகள் இழுபறியாக இருக்கும். எவரையும் நம்ப வேண்டாம். வெளிப்படையாக எதையாவது பேசி விரோதம் வரும் வாரம் இது.

இரண்டாமிடம் சுபத்துவம் பெறுவதால் வருமானம் குறைவதற்கு வாய்ப்பு இல்லை. வேலைப்பளு அதிகமாக இருக்கும். வாழ்க்கைத் துணை வழியில் லாபங்களும், வரவுகளும், ஆதரவான நிலையும் இருக்கும்.

வார ஆரம்பத்தில் மனதில் குழப்பங்களும் முடிவெடுக்க முடியாத தடுமாற்றங்களும் இருக்கும். வாக்குக் கொடுத்தால் நிறைவேற்றுவது கடினம். வியாபாரிகளுக்கு விரயங்கள் ஏற்படும். வாழ்க்கைத்துணையால் கோர்ட்டுக்குச் சென்றவர்கள் சாதகமான தீர்ப்பை பெறுவதற்கான வழிகள் இந்த வாரம் பிறக்கும்.

மேலும் ஜோதிடம் செய்திகளைப் படிக்க இங்கே அழுத்தவும்

Latest Offers